vivo V9 ເປີດໃຫ້ຈັບຈອງແລ້ວ ມາພ້ອມຄວາມໂດດເດັ່ນເລື່ອງກ້ອງ

ໃນວັນທີ 01 ເມສາ 2018 ທາງບໍລິສັດ ວີໂວ່ (ປະເທດລາວ) ຈໍາກັດ (vivo Sole (Laos) Co.,Ltd) ໄດ້ເປີດໂຕສິນຄ້າໃໝ່ ສະມາດໂຟນລຸ້ນ vivo V9 ທີ່ສູນການຄ້າວຽງຈັນເຊັນເຕີ ໂດຍການເຂົ້າຮ່ວມເປັນປະທານ ໄດ້ແກ່: ທ່ານ ເຟີງ ຈ້ຽນ ຊິນ ຜູ້ຈັດການຕະຫຼາດທົ່ວໄປ ບໍລິສັດ ວີໂວ່ ປະເທດລາວ ພ້ອມດ້ວຍຄະນະບໍລິຫານ ແລະພະນັກງານ ວີໂວ່.

- ຈຸດປະສົງຂອງການເປີດງານໃນຄັ້ງນີ້ ແມ່ນເພື່ອເປັນການເປີດໂສມໜ້າສິນຄ້າໃໝ່ ໃຫ້ລູກຄ້າໄດ້ເຂົ້າມາສໍາຜັດກັບສິນຄ້າຕົວຈິງພາຍໃນງານ ແລະເພື່ອເປັນການຕອບສະໜອງ ຕາມຄວາມຮຽກຮ້ອງຕ້ອງການຂອງລູກຄ້າ. ດັ່ງນັ້ນ, ພວກເຮົາຈຶ່ງໄດ້ນໍາເຂົ້າສະມາດໂຟນລຸ້ນໃໝ່ໃນຕະກູນ V ນັ້ນກໍຄື vivo V9. ຈຸດເດັ່ນຂອງລຸ້ນທີ່ຈະເນັ້ນທີ່ກ້ອງຖ່າຍພາບເປັນຫຼັກ, ໃຫ້ພາບມີຄວາມຄົມແຈ້ງແບບບໍ່ຄືໃຜ ແລະການອອກແບບທີ່ມີຄວາມຫຼູຫຼາ ງາມຕາມ ແລະໂດດເດັ່ນໃນເວລາພົບເຫັນ, ມີໜ້າຈໍທີ່ກວ້າງຂຶ້ນກວ່າເກົ່າ, ກ້ອງໜ້າຄວາມລະອຽດ 24 ລ້ານພິກເຊວ, ກ້ອງຫຼັງ 16+5 ລ້ານພິກເຊວ ເປັນກ້ອງເລນຄູ່, ແຣມ 4 ກິກ, ຄວາມຈໍາຕົວເຄື່ອງ 64 ກິກແລະຍັງສາມາດເພີ່ມຄວາມຈໍາພາຍນອກໄດ້ເຖິງ 256 ກິກ ອີກດ້ວຍ. ນອກນັ້ນ, ຍັງມີໄຮໄລ້ເດັ່ນຂອງກ້ອງນັ້ນກໍຄື AI Beauty, AR Sticker ແລະເອກະສານເໝາະແກ່ການໃຊ້ງານ WPS Office ແລະຍັງສາມາດປົດລ໋ອກສະມາດໂຟນ ດ້ວຍການສະແກນໃບໜ້າ ມີຄວາມໄວ 0,1 ວິນາທີ.

- ສ່ວນລາຄາແມ່ນ 2.990.000 ກີບ ສາມາດຈັບຈອງເປັນເຈົ້າຂອງໄດ້ແລ້ວທຸກສາຂາ ແລະຕົວແທນຈໍາໜ່າຍທົ່ວປະເທດ.